為加強政府部門、九龍城區議會、三會、關愛隊地區治理四大板塊 與社區嘅聯繫，九龍城民政專員蔡敏君前日(23/4)連同區議員、分區會委員同關愛隊成員到訪何文田區兩間學校，同師生交流互動。 

雖然當日遇上黃色暴雨，但無阻社區領袖嘅熱情。第1站去到合一堂學校，首先由吳麗霞校長向來賓簡介學校背景、辦學理念同特色。今次學校仲安排咗活潑有禮嘅學生大使引領來賓參觀校園。大家跟住學生大使參觀校園電視台、圖書館、學生支援室等，了解到學校如何實踐「敢學，敢夢，敢創新」嘅教學方針。

第2站來到創知中學，由黃晶榕校長帶領參觀校園設施。大家都被校史室、憲法教室同中華文化館濃厚嘅文化氣息深深吸引 。專員喺探訪課堂時表示《青年發展藍圖》為學生築構更多發展平台，並鼓勵同學參加「青年自薦計劃」，登記成為選民，投入社區服務。黃校長更安排座談會 同大家交流，專員喺會上讚賞創知中學創校以來秉承「愛國愛港」嘅精神，積極弘揚中華傳統文化及推動愛國教育，培育出一班心繫家國嘅校友；大家亦趁今次活動探討未來合作嘅方向。 

今次活動讓參與者進一步了解到何文田區學校嘅發展同教學需求，有助鞏固良好嘅社區關係。兩位校長都表示好期待同民政處、區議員、三會，以及關愛隊攜手合作，共建美好九龍城。民政處亦會繼續舉辦社區探訪活動，推動區議會、三會、關愛隊與社區嘅緊密交流。